बनेपा, काभ्रेपलाञ्चोक । भारतको अग्रणी टायल निर्माता कम्पनी कजारिया रामेश टाइल्स लिमिटेडले नेपालमा आफ्नो उपस्थिति विस्तार गर्ने क्रममा काभ्रेको बनेपामा अत्याधुनिक सुविधासम्पन्न शोरूम उद्घाटन गरेको छ। बनेपा मार्भल प्यालेसद्वारा सञ्चालित यो शोरूमले स्थानीय उपभोक्ताहरूलाई अन्तर्राष्ट्रिय स्तरका प्रिमियम टायलहरू सहज रूपमा उपलब्ध गराउने उद्देश्य राखेको छ।
शोरूमको उद्घाटन समारोहमा प्रमुख अतिथिको रूपमा बनेपा नगरपालिकाका प्रमुख शान्ति रत्न शाक्य उपस्थित थिए। उनले रिबन काटेर शोरूमको औपचारिक उद्घाटन गरे। कार्यक्रममा कजारिया रमेश टाइल्स लिमिटेडका राष्ट्रिय बिक्री प्रबन्धक अभ्यास भूषण तिवारीको पनि उपस्थिति रहेको थियो।
उग्रचण्डी पेट्रोल पम्प पछाडि, बनेपाको व्यस्त क्षेत्रमा अवस्थित शोरूमले ३,००० भन्दा बढी डिजाइनमा उपलब्ध टायलहरूको विस्तृत संग्रह प्रस्तुत गरेको छ। यसमा भित्ते, भुइँ, बाथरूम तथा किचनका लागि विशेष डिजाइन टायलहरू समावेश छन्, जुन आधुनिक जीवनशैली र वास्तुकला अनुरूप डिजाइन गरिएका छन्।
कजारिया रामेश टाइल्स लिमिटेडले यसअघि नै नेपालको सबैभन्दा ठूलो टायल उत्पादन प्लान्ट स्थापना गरेर घरेलु उत्पादनमा ऐतिहासिक फड्को मारेको छ। विश्वस्तरीय प्रविधि र उच्च गुणस्तरका मापदण्डमा आधारित यस कम्पनीको उद्देश्य नेपालका ग्राहकहरूलाई आयातमा निर्भर नरहिकन गुणस्तरीय टायल उत्पादन र सेवा उपलब्ध गराउनु हो।
नयाँ शोरूममार्फत कम्पनीले देशभर आफ्नो ब्राण्ड उपस्थिति अझ सशक्त बनाउँदै लैजाने योजना रहेको जनाएको छ। साथै, उपभोक्ताहरूलाई नयाँ डिजाइन, प्रतिस्पर्धी मूल्य र सुलभ सेवा दिने प्रतिबद्धता व्यक्त गरिएको छ।
