कोशी प्रदेश सरकारले आगामी माघ ११ गते देखि १३ गते सम्म लगानी सम्मेलन गर्ने जनाएको छ ।
लगानीका लागि औद्योगिक वातावरण रहेको सन्देश प्रवाह गर्ने उद्देश्यले सम्मेलन गर्न लागिएको हो । प्रदेश सरकारको मन्त्रीपरिषदको बैठकले सम्मेलनको अवधारण पारित गर्दै मिति तय गरेको थियो ।
सरकारले निजी क्षेत्रको सहकार्य र समन्वयमा सम्मेलन गर्ने तयारी गरेको छ । सो प्रदेशको चालु आर्थिक वर्षको नीति तथा कार्यक्रम र बजेटमा पनि लगानी सम्मेलन गर्ने विषय समावेश गरेबमोजिम कार्यक्रमलाई अगाडि बढाईएको मुख्यमन्त्री कार्यलयले जनाएको छ ।
त्यस्तै प्रदेश सरकारले लगानी सम्मेलनको लागि ३ करोड रुपैयाँ विनियोजन गरिसकेको छ । लगानी सम्मेलनमा भारतसहित देशका व्यवसायीलाई आमन्त्रण गरिने बताइएको छ ।
